性教育大神培訓第二回：敘事實踐初體驗

對性教育工作者嚟講，有理論基礎固然重要，但點樣令性教育「落地」，同對象有效溝通，先係關鍵所在🔐「講故事」正正係其中一個最易入口嘅方式。今次我哋好榮幸邀請到臨床心理學家、敍事實踐導師 #葉劍青 (葉SIR)分享敘事實踐嘅心得，與及同性/別教育嘅密切關係。

📌 鬆綁大敍事 從小叙事中尋找傳奇

語言並非中性，代表著唔同意識形態。社會上嘅主流論述，甚至我哋用嘅詞彙 (👉🏼 性別定型、父權、異性戀、ADHD) 都係由大敍事(Grand Narrative)建構而成，令人不由自主地自我監察，甚至將問題歸咎喺受害者身上。常言道：唔著咁少布就唔會畀人非禮啦😴

但正如敍事實踐創始者麥克·懷特 (Micheal White) 所講👉🏼「The person is not the problem, the problem is the problem」，葉SIR認為我哋面對社會不公義情況，唔應該停留喺受害者、被動嘅層面，要擁抱小敍事 (Local Narrative)，透過對象分享嘅個人故事，提升個人主權。人需要被聽見、被看見👂👀，只有互相交流，先會產生新知識。

📌 每事問，但應該點樣問？ 🔍

🙋🏻「訪問嘅時候，我哋點樣可以做到不impose (強加於人)？」

就呢個問題，葉SIR坦言，我哋冇可能做到「零Agenda」，喺無任何前設之下同對象溝通訪談，否則係會乜都問唔到。所以佢提醒，喺談訪過程中，我哋要時刻保持自覺，尊重受訪者。

相信經過今次活動，大家對自己、對社區教育都會有更深入理解。下回葉SIR會同大家繼續分享，深化敘事實踐。十月尾就輪到BUDDIES登場，同家長做性教育工作坊👪🏻 STAY TUNED！