家長性教育工作坊

【 家長都要識講性👄 】FLUID最近同多間社區中心合作，舉辦家長嘅🌈性教育工作坊。唔少參加嘅家長表示佢哋從未接受過任何性教育。但同小朋友👶🏼嘅日常相處中，不時出現令家長「黑人問號❓」嘅性相關問題及尷尬🥴情況。例如，個女向媽媽表示覺得「嚟M好恐怖👻」、仔仔叫陰莖🍆做陰莖（而非gu-gu或jer-jer)而被同學取笑....

宜家人人手機🤳不離身，小朋友比以往更容易由網上接觸到性相關嘅資訊，如果家長面對小朋友🙋🏼‍♀️提出關於性困惑嘅問題時，採取🙉迴避或負面嘅態度，好容易將小朋友「越推越遠」，以後有事發生都唔敢同父母分享。所以，家長性教育嘅重點不只係為保護兒童，而係協助家長與小朋友建立一種互相尊重、強調溝通嘅長遠關係🏡。而呢種關係應該從小開始建立，因為就算你唔想講性🙊，性都會隨時搵上你🫵🏻！

歡迎各區組織、任何背景人士（無論阿婆定酸仔！）搵FLUID做社區性教育工作坊或性教育工作者培訓。

此培訓工作坊由政制及內地事務局 《平等機會（性傾向）計劃》資助。